終於等到 ClubOne進駐太古區啦!! ClubOne比人感覺就係舉辦婚宴場地, 一年365日唔係日日都有婚宴既, 而且中午有茶飲添架~

可能太古區飲茶地方唔多, 所以ClubOne都幾爆, 星期六日一定要早d打電話黎訂位! 

點心既總類都算多, 基本既點心都會包括在內, 蝦餃燒賣叉燒包等等通通有齊! 而且價錢適中, 加上環境及服務質素, 價格絕對可取!

鮑汁炆雞腳 - HK$58
雞腳夠淋, 鮑汁又入味, lun腳指想lun埋碟汁!


原隻蝦餃皇 - 頂點 (HK$45)
呢個一定要點!! 皮白淨又夠薄, 配上原隻大蝦, 啖啖蝦味出晒黎!


蟹籽香菇燒賣 - 特點 (HK$38)
四粒燒賣各散東西, 賣相就麻麻, 勝在美味搭救!


鮮蝦腐皮卷 - 大點 (HK$32)
鐘意煎炸食物既一定會點呢個, 皮脆唔油膩, 用料十足!

蘿蔔絲酥餅 - 大點 (HK$32)
呢一個係比較敗筆, 外觀雖美, 但咬後立口, 感覺醬住個咀.... 不過又咁, 蘿蔔絲酥餅係一個好巧功夫既點心, 要整得好食一d都唔易!


三蝦蔥油撈寬麵 - HK$108
鮮蝦; 蝦籽; 仲有櫻花蝦乾既蔥油撈麵! 係鮮蝦唔係雪蝦, 讚! 碟頭都唔係細碟, 4-5人份量!

 

飲茶想飲得平宜d? 只要成為ClubOne會員, 星期一至五專享7折優惠; 星期六日可享8折優惠! 你都咪話唔抵食!



ClubONE時尚康山
太古康山道2號康蘭居2樓及3樓
訂座電話: 2770-3010


分享到此為止, 拜拜~

 

♥歡迎邀約合作試用♡出席活動♥
fb.me/chanchecheee
chanchechee@gmail.com

文章標籤

cheChee 發表在 痞客邦 留言(0) 人氣()


幼紋皺紋簡直就係女人既宿敵!! 尤其到左29+1呢個年紀, 衰老既跡象好似突然出晒黎, 魚尾紋; 細尾; 皺紋... 肌膚彈性都好似差左, 唔想咁快變老, KateSomerville 全新 Wrinkle Warrior 系列幫到您!


較早前我參與 KateSomerville x DearBeauty 所舉辦既 Wrinkle Warrior 高效保濕抗皺精華霜發佈會! Kate Someville 係荷李活首屈一指專業美容護膚專家, 而品牌就係用佢個名黎命名! 除左認識新產品 Wrinkle Warrior 系列外, 皇牌產品抗皺注氧精華亦相當有名氣, 有幸可以帶晒佢地返屋企慢慢試用同大家分享~

嘿~ 呢支就係皇牌抗皺注氧精華, 旅行裝! 可以話係一支肌底液, 瞬間深層保濕; 有效對抗皺紋; 鬆弛皮膚及乾燥問題! 用前記住記住要搖勻, 咁先可以噴出提升緊緻液!


有少少似消防員支滅火筒, hahaha, 抗皺注氧精華唔係精華咁簡單, 除左為肌膚注氧充滿活力, 噴出既泡沫 (提升緊緻液)會變成液體瞬間被肌膚吸收!


尤其呢個轉季入秋, 肌膚乾燥繃緊, 洗臉過後即刻為肌膚注氧, 提升水份, 喚醒肌膚! 跟住就係塗精華 - Wrinkle Warrior 二合一高效保濕抗皺精華霜!

皺紋既主要成因係因為肌膚水份不足, 而Wrinkle Warrior 以先進生物科技技術, 透過HA³三種不同分子透明質酸進入肌膚不同皮膚層, 有效吸取1000倍水分, 為乾涸細胞注滿水分, 擊退乾紋!

質地為啫喱狀既Wrinkle Warrior 二合一高效保濕抗皺精華霜, 蘊含葡萄糖胺及氨基酸, 係彈力蛋白同膠原蛋白增生既主要來源, 可以令肌膚回復幼滑; 緊緻!

份量唔需要多, 足夠就可以啦, 大概2-3泵! 我會先響指尖推開, 然後於面部點按式推開塗勻; 紋理較深既位置 (如額頭紋), 我會塗多一點點+按摩多一點點! 用後會覺得肌膚超級滑溜溜, 滋潤保濕, 毛孔都無咁覺眼!

講開皺紋又點少得最易出紋既眼部呢! 眼部肌膚問題多籮籮, 黑眼圈; 魚尾紋; 細尾紋; 幼紋... 想改善眼部肌膚問題, KateSomerville 仲有另一新品 - Wrinkle Warrior Eye Gel高效保濕瑩眸眼霜!


蘊含酵母及藻類萃取物, 有助減淡黑眼圈; 而羽扇豆及苜蓿草本複合物有效消除眼部浮腫; 仲有HA³三種不同分子既透明質酸! 同Wrinkle Warrior 精華霜一樣啫喱狀質地, 質感輕盈!

由眼頭輕推至眼尾, 以促進血液循環, 加強滲透, 提升眼周肌膚緊緻度同彈性!

眼部有多個穴位, 多按可促進眼周肌膚既血液循環, 有效減淡黑眼圈; 撫平細紋同改善浮腫, 包括近眼頭既晴明穴; 眼肚位置既承泣穴; 眉頭位置既贊竹穴; 仲有眼尾既瞳子膠穴, 每個位置持續按壓 3秒, 重覆3次!

一條頸紋老五歲, 所以記得要塗埋頸呀! Wrinkle Warrior 系列可以用黎搽頸, 由下向上用指腹輕輕畫圈按摩, 動作要輕同慢, 而且份量唔慳得, 補充皮膚既膠原彈性蛋白, 促進血液循環, 改善皮膚新陳代謝, 有助預防頸紋!


KateSomerville於SOGO尖沙咀專櫃及JOYCEBeauty均有得賣! 而且高效保濕抗皺組合只需HK$990, 即係買Wrinkle Warrior 二合一高效保濕抗皺精華霜 送皇牌抗皺注氧精華, 一次過可以享用兩個皇牌產品!


銷售點/專櫃地址:
崇光尖沙咀店LG/F 查詢/3911 1639
尖沙咀廣東道3號連卡佛Joyce Beauty 查詢/2375 6601
尖沙咀海港城港威商場G106 Joyce Beauty 查詢/2367 0860
銅鑼灣時代廣場連卡佛Joyce Beauty 查詢/3798 0171
九龍塘又一城G39 Joyce Beauty 查詢/2265 7176



分享到此為止, 拜拜~
 



♥歡迎邀約合作試用♡出席活動♥
fb.me/chanchecheee
chanchechee@gmail.com

文章標籤

cheChee 發表在 痞客邦 留言(0) 人氣()

究竟點樣先可以有雞蛋肌? 係人都想保持年輕貌美, 就算係天生麗質都要靠後天既保護! 歲月不饒人, 衰老既痕跡慢慢呈現, 護膚品唔吸收; 皺紋幼紋; 皮膚鬆弛... 唔想咁樣可以點樣? 

早前參與SK-II既產品發佈活動, 單靠雙手去護膚係唔足夠, 有見及此, SK-II就研發有 智慧小紅棒 之稱既 磁力微振導入儀, 配合獨家磁力微振科技一分鐘超過 7000次磁力微波振動, 與指腹塗抹相比, 提升三倍滲透力!! 可以使護膚成分直達肌膚底層, 有助減淡皺紋; 回復細滑緊緻, 打造全方位縱橫緊緻雞彈肌!

相信大家對SK-II神仙水唔會陌生, 配方蘊含超過90% Pitera可以溫和清除老化角質, 並幫助調節肌膚更新週期! 而RNA Power呢, R.N.A. 立體緊緻精華霜可深入滲透至肌底, 縱向提升立體緊緻度; 橫向淡化毛孔! 佢係面霜亦係按摩霜, 配合埋智慧小紅棒跟住「微笑磁力按摩法」 三步曲, 抗皺去紋收緊變小臉等等 通通不是夢!

由Clara老師教授智慧小紅棒既秘技, 一d都唔難掌握, 記住一句 世上無醜女, 嘿嘿!

活動當日仲有個小測試, 究竟用手塗護膚品會被肌膚吸收得快, 定係用智慧小紅棒會吸收得更快呢?

海棉係模擬肌膚表面, 兩片海棉都同樣塗上R.N.A緊緻精華霜! 左邊既海棉配合智慧小紅棒, 好快就滲透被吸收; 而右邊既海棉只係用指腹塗抹, 就算塗抹左一陣都仲未被吸收晒! 由此可見, 配合磁力微振科技, 護膚品迅速直達肌膚底層!


活動過後我帶左個大盒返屋企, 原來係R.N.A緊緻精華霜及磁力微振導入儀! 超歡喜, 只要一開始用就會日日都用, 必定會愛上!

買一個80g既面霜都要HK$1140, 而家套裝價R.N.A.立體緊致精華霜 配 磁力微振導入儀都只係HK$1220, 加上智慧小紅棒可以配合其他產品 (包括精華; 面霜), 所以幾抵用!

R.N.A.立體緊緻精華霜 採用Essence-in-Cream 設計, 有精華般既滲透力, 直達肌膚深層, 抑制細紋形成, 增添肌膚保濕度及光澤度!


面霜既作用係用黎保護肌膚, 而R.N.A.立體緊緻精華霜 更有助鞏固自身膠原蛋白結構, 令肌膚變得更緊實; 更飽滿, 重現輪廓!

點樣先可以發揮R.N.A.立體緊緻精華霜既最大功效呢? 就係配合埋智慧小紅棒一齊用!! 首先塗適量R.N.A.立體緊緻精華霜於面部!


第二部就係拎好支智慧小紅棒! 記住手指要握住手柄金屬環位置, 然後將小紅棒金屬按摩頭平放面部, 小紅棒就會自動開始振動!

記住記住係由下至上; 內至外咁移動, 手法要慢! 首先沿著臉頰由下而上輕推, 接著沿臉頰從內向外移動! 額頭肌膚都唔可以乏視, 向上按摩向外按摩, 額頭紋就唔再現形! 

我平時仲會用智慧小紅棒按摩埋眼部及耳後位置, 因為耳仔對下有淋巴穴位, 多按會無咁阻塞; 而眼尾位置我會向上提拉, 改善下垂眼! 

肌膚吸收又有營養, 皮膚鬆弛關我咩事! 哈哈, 我早晚都會用呢支磁力微振導入儀, 因為佢真係好方便, 配合精華或面霜都得, 短短幾分鐘既導入過程, 肌膚即時感到緊緻且有光澤!

有荀野益大家!! 就係MagicRing 皮膚分析測試, 以嶄新既皮膚圖像分析, 準確分析肌膚狀態, 評估膚質未來狀況, 一次過全方位深入了解肌膚五大美肌範疇既狀態! 而且測試完畢後仲會送番體驗裝比你返屋企慢慢試!


分享到此為止, 拜拜~


°゚。・*.゚✩˂特別嗚謝 品牌 邀請˃✩゚.*・。゚°


♥歡迎邀約合作試用♡出席活動♥
fb.me/chanchecheee
chanchechee@gmail.com

文章標籤

cheChee 發表在 痞客邦 留言(0) 人氣()


正所謂「工欲善其事, 必先利其器」, 有好既化妝工具, 完美妝容話都無咁易啦! 小妹擁有一套化妝掃 - ZOAY Professional Beauty Brush, 呢五支堅係好野, 超值得擁有! 先講價錢, 廿零蚊起已經有交易, 對於初學化妝者買工具絕不肉痛! 加上ZOAY係100%香港品牌, 更加要支持啦!

嗱嗱嗱, 無呃大家架, 我呢幾支化妝掃由HK$22至最貴果支都只係HK$59咋! 齋睇價錢已經贏晒啦, 係咪先! 化妝掃以高級人造纖維製成, 毛質鬆軟舒適, (圖下, 由左至右)#359-大頭碎粉掃; #2-尖頭胭脂掃; #202-扁頭粉底掃; #305-斜角遮瑕眼影掃; 及 #407-尖頭鼻影掃, 可以話化妝必備掃套餐! 

先黎介紹第一支化妝不能沒有它 #202-扁頭粉底掃 (HK$36), 呢支係用黎塗粉底液既專用掃, 超超超方便, 上妝話咁快就搞掂!


由高級人造纖維製成既 #202-扁頭粉底掃, 毛質軟硬度適中, 用黎上粉底液或BB Cream就最Prefect!


我用開Missha CC cream, 呢支CC cream我都十分推介, 因為佢遮瑕能力超高且透氣, 用左佢好似變左Model咁, 係其他粉底媲美唔到!

用化妝掃黎上妝超快超方便, 我會以點印方式印開, 印到咁上下均勻, 可以輕輕推開, 尤其眼位唔需要太多粉底液!

另一支化妝掃係一掃多用 - #305-斜角遮瑕眼影掃(HK$22)! 呢支掃可以當遮瑕掃; 亦都可以用作眼影掃!


ZOAY既化妝掃以高級人造纖維製成, 掃毛軟硬適中; 而#305-斜角遮瑕眼影掃 斜頭設計, 方便用於眼底黑眼圈遮瑕 或眼蓋位置(眼影)!

我黑眼圈都幾嚴重架, 所以間唔中上完粉底會再加遮瑕膏, 務求遮住瑕疵!


除左當遮瑕掃之外, 用作眼影掃更好! 每盒眼影都會有mini版既掃, 但太細支啦, 邊好揸手架! 梗係用番支正常版既眼影掃啦 - #305-斜角遮瑕眼影掃


斜角既好處就係岩晒眼型! #305-斜角遮瑕眼影掃抓粉力強, 輕力響眼影盒掃兩下已經夠對眼用, 塗上後再掃開, 自然又唔浮誇!

另一支係我比較少用既化妝掃 - #407-尖頭鼻影掃(HK$22); 即係highlight, 做shading!


#407-尖頭鼻影掃既掃毛比其他四支化妝掃為硬, 但硬得黎都屬柔軟, 真係好難用筆墨去形容, 哈哈~

Highlight我就唔係好識, 用黎點下眼頭 Bling Bling~

Last but not least, 化完妝梗係要定妝啦 - #359-大頭碎粉掃(HK$59)


#359-大頭碎粉掃既掃毛超柔軟, 配合特大毛頭設計, 就可以更容易均勻沾上碎粉, 達到理想既定妝效果!

碎粉既作用就係定妝, 可以Keep住個妝長時間, 唔洗成日補妝! 比起我以前用果支無牌子既碎粉掃真係差天共地; #359-大頭碎粉掃 大毛頭多掃毛又柔軟, 抓毛能力又強, 均勻沾上碎粉, 打造平滑肌膚!

最後最後, #2-尖頭胭脂掃(HK$59) 出場啦!

尖頭掃有一個特別既功能, 就係彌補碎粉難以觸及既位置! 因為掃頭既層次及弧度, 可以將多餘碎粉掃走, 大大提高定妝既效果!

掃胭脂無難度! 緊記要 笑! 笑起上黎顴骨位置就會突起, 於突起既呢個位置就打圈掃上胭脂, 成個面形都會變得立體起黎架!

唔好唔記得畫番條眉; 搽番個咀, 咁就醒神見得人啦!


我呢五支 ZOAY Professioanl Beauty Brush (#359-大頭碎粉掃; #2-尖頭胭脂掃; #202-扁頭粉底掃; #305-斜角遮瑕眼影掃; 及 #407-尖頭鼻影掃) 於wishh!; 全線HKID gallery; ZALORA香港網店都可以買到; ZOAY 網站 (https://www.zoaybeauty.com)仲有更多更多化妝掃比大家選擇, 而且價錢仲好相宜添!



分享到此為止, 拜拜~


°゚。・*.゚✩˂特別嗚謝 品牌 邀請˃✩゚.*・。゚°


♥歡迎邀約合作試用♡出席活動♥
fb.me/chanchecheee
chanchechee@gmail.com

文章標籤

cheChee 發表在 痞客邦 留言(0) 人氣()

 

想成為文青女生好Easy, 就係予人舒適; 簡約既感覺, 唔需要太花巧既打扮, 妝容都係一樣, 簡 約! 最近bareMinerals 就響誠品生活尖沙咀店及太古店設立Complexion Stop專櫃, 實行由內到外散發文青風格!

 

bareMinerals Complexion Stop 以木質及白磚背景為主, 打造天然簡約風格; 特設 Complexion Wall, 將皇牌底妝系列分別以透亮; 水漾; 專業及無瑕4種妝效區分, 比人感覺更易挑選適合自己既產品

唔洗多講, bareMinerals 係礦物粉底既先驅, 最近推出barePROPerformance Water Powder Foundation 高效無瑕效透氣粉底, 我當然唔會錯過新品推出, 即刻去試下有幾好啦~

試過先知岩唔岩自己! 每個專櫃都有專業化妝師即場提供一對一既護膚及化妝指導服務; 自己以為啱色可能係錯色... 最後揀左#07色為我最適合既膚色!

平日由護膚到化妝有好多個步驟, 為左節省時間, 慳得就慳, 好多品牌都會推出方便大家既產品, 就好似 bareMinerals Prep Step Daily Prep Lotion 礦物抗氧防曬底霜 SPF50 PA+++, 一支就有齊防曬及底霜兩個功效!

Prep Step 含喜馬拉雅山上既烏奴龍膽花萃取, 抗氧化效能比一般高10倍, 有助對抗游離基及保護細胞免受損害! 而質地清爽唔黏膩, 薄薄一層就可以達至防曬; 抗氧化; 保濕及均勻膚色 4 種功效!

Prep Step採用突破性調色微囊色素, 當塗上防曬霜時, 膠囊就會爆開, 雲母迅速被釋放散落響肌膚上, 與防曬成分二氧化鈦融合, 可以話係自動調色功能, 令肌膚唔會泛白, 同時改善膚色不均及提升肌膚光澤度!

塗上防曬底霜後就到皇牌出場 - barePRO Performance Water Powder Foundation 高效無瑕效透氣粉底, 一個獲得英美化妝師及一眾Youtubers的高度評價的產品, 去年12月bareMineralsFacebook預售登記,短短一個月已售出超過1000件!

barePRO Performance Water Powder Foundation 高效無瑕效透氣粉底 全10 色調, 屬於我既膚色就係#07 Warm Light! barePRO粉底蘊含 90%維他命及礦物成分, 唔會堵塞毛孔或引致粉刺暗瘡, 化妝同時護膚; 且採用獨特「微網孔技術」, 以唔同大小既圓球形粒子組成幼滑粉末, 有收細毛孔及減少油光之效!

不得不提及呢支正到痺既粉底掃 - Core Coverage Brush 全效遮瑕粉底掃, 用左返唔到轉頭, 因為真係好方便, 伸縮設計可以保護刷毛;加上刷毛夠晒柔軟, 上粉絕對唔會Cake粉!

barePRO 高效無瑕效透氣粉底配埋全效遮瑕粉底掃簡直一流! 智慧型設計, 只要輕輕用掃於粉底表面打圈數次, 外圍掃毛屬超柔軟纖維掃毛; 而包著中央高密度白色掃毛用以抓緊粉底, 輕易均勻咁上妝!

真係好Easy, 手殘既我都識得用! 先以超柔軟纖維掃毛均勻抓緊幼細礦物粉底, 然後再以打圈由內至外既手法咁掃上面; 要遮瑕既地方就以C 字方式來回均勻咁掃上!

粉底質感幼細絲滑, 貼服唔cake粉; 薄薄一層就可以解決膚色唔均既問題; 輕輕塗多一層就可以遮埋暗瘡印! 我好怕厚粉人, 而barePRO富含 90%維他命及礦物成分, 有效提升肌膚透亮度; 對收細毛孔有明顯效果; 妝容有效持久致12小時之餘,同時減少泛油情況, 達至輕 透 薄 妝感!

畫番條眉; 搽番個咀唇, 搞 掂 晒! 好滿意, 簡單就是美, 唔需要太多特別妝品, 兩三下手勢就塑做出完美文青妝容; 這就是我!

 

 

分享到此為止, 拜拜~

 

 

°゚。・*.゚✩˂特別嗚謝 品牌 邀請˃✩゚.*・。゚°

 

 

♥歡迎邀約合作試用♡出席活動♥

文章標籤

cheChee 發表在 痞客邦 留言(0) 人氣()