cheChee is here

自問眉毛唔多, 加上雜草亂生, 毫無規律, 
每朝早化妝就浪費左好長時間響畫眉度.... 
如果可以好似蓋章咁每朝印條眉你話幾好呢~ 

眉毛係面既靈魂, 就好似畫龍點睛咁, 
一條好既眉會即時精神百倍! 對於稀疏短小; 欠缺眉形; 
仲有高低眉問題既我, 考慮左好耐, 
我決定去 紋 眉 !

紋眉我真係諗左好耐!
一直都好怕紋眉, 紋衰左咁就一世... 
雖則現今科技發達, 紋衰左可以洗眉, 但邊會想痛幾次架!
所以最近我就周圍搜尋紋眉既資訊同紋眉既介紹!

Beauty in eye!
開業接近10年, 加上朋友仔推介, 
因為佢都係響Beauty in eye紋眼, 有板睇放心好多, 
所以我就預約上黎紋眉啦!

其實而家唔叫紋眉架啦, 古代先叫紋, 
而家呢個年代叫飄眉/霧眉! 飄同霧有咩分別呢? 

飄眉係以飄既手法, 一條一條咁飄出眉型, 
比繡眉既綫條幼得多, 像真度非常高!

而霧眉就係將整條眉型打霧出黎, 以排針刺入皮膚上色! 
效果就好似霧一樣朦朦朧朧咁既放果, 
就好似平時化妝用眉粉掃過咁!

進取型既我就兩樣一齊做, 先飄後霧!

Beauty in eye位於地利超方便既尖沙咀, 
而每位客人有獨立區域, 環境唔錯架! 
美容師會根據面型輪廓及化妝習慣去設計適合你既眉型 
(基於時間關係, 先敷舒緩膏)


我條眉真係好難搞, 畫左好耐都仲係高低不一... 
突然令我諗起蘇民峰大師所講既
「眉頭帶箭, 感情迷亂
眉尾散, 財難聚」


眉型設計完成!
畫完真係覺得我嚴重缺眉毛... 眉真好弱!
所以我上黎紋眉係明智抉擇!

正如我之前所提及, 
飄眉係講求飄眉師既技術, 一條一條咁飄出眉型, 
專業飄眉師Carmen根據原生眉毛自然生長方向落針, 
每一針都仿造原生眉毛, 實行以假亂真!


超自然啊!!!
之後就到霧眉啦~ 霧眉相當於掃一層淡淡眉粉, 
有如一層霧, 效果就好似韓國女生既妝容!

霧眉既過程我就無影相, 
因為飄眉師手勢好加上又快手, 
都未黎得切影相就已經霧完!

不過都仲有少少手尾架, 
因為合上眼同張開眼既時候都會影響條眉型, 
所以反複修補好多次先係 真 完 成!


有少少似「王小虎」?
覺得太粗? 因為未收水嘛~ 
一星期之後就會結痂, 顏色仲會淡少少, 

到時就真係超級自然!


嘻嘻, 每一張美容床都會有隻公仔, 用黎舒緩紋眉時既緊張! 
過程係有少少痛, 但因為塗左麻醉膏, 
疼痛既感覺大大減輕!

Beauty in eye既飄眉師好專業, 

技術又好, 最緊要大家好岩傾, 

咁先可以夾到理想眉型! 

臨走前飄眉師比左個藥膏我, 提醒我每日都要塗藥膏, 同埋護理既小貼士! 等我都同大家分享下啦:

完成飄眉後唔好用手指直接捉摸, 
最多只可以用暖水沾濕棉花輕抹作清潔, 
然後用棉花棒塗上藥膏再塗眉位置!

過左一兩日後眉位置會開始結焦, 
會覺得好痕癢同埋好想mit焦, 但千祈唔好mit, 
由得焦自然脫落! 結焦一忽忽, 呢個時期係最難捱...

化妝可以但避開眉部位置; 
而落妝就避免用卸妝油, 要改為卸妝水, 
因為油性會好容易導致甩色情況!