首爾去左N咁多次, 係時候要去下其他地方;
適逢有機票促銷活動, 即刻起飛快閃釜山!

釜山無首爾咁多旅客, 本地人居多! 
所以行街食野都係以韓文為主, 
但無需擔心溝通問題, 因為我地仲可以手指指嘛, 哈~

酒店正正望住釜山塔!
我住既釜山酒店係南浦洞附近, 感覺有d似首爾明洞區,
有商圈可以慢慢逛; 附近仲有釜山塔, 晚上更有煙火表演;
逛夜左都仲有好多車仔小食店 (BIFF廣場)!

黎到釜山都不忘感受一下大學氣息,
今次旅程去左釜山大學行個圈, 食下野~
去左網紅推介既명물토스트名物吐司!

명물토스트名物吐司除左售賣Toast之外, 
仲有售賣鮮榨果汁等飲料!
吐司多達九款選擇, 而我就揀選左#9馬蘇里拉,
馬蘇里拉就係Mozzarella Cheese, 屬於軟林林芝士級別,
於烹調時會變稠, 可以做成拉絲效果!


嬸嬸兩三下手勢就整好啦;
餡料滿滿, 中間夾有生菜絲; 火腿片仲有好多好多芝士, 
仲有特製醬汁, 香噴噴即刻就口水流!
我食過ISSAC亦食過EGG DROP,
雖然同樣係即叫即製, 但釜山大學既명물토스트真係好好味,
熱騰騰, Mozzarella Cheese仲要好似熔岩般一樣流出黎,
真係好正! 下次黎都要再食佢~

명물토스트名物吐司
地址: 釜山大學校門口斜對面
前往方式: 地鐵釜山大學站三號出口

分享到此為止, 拜拜~


♥歡迎邀約合作試用♡出席活動♥
fb.me/chanchecheee
chanchechee@gmail.com

arrow
arrow

    cheChee 發表在 痞客邦 留言(0) 人氣()