范冰冰皮膚又白又滑, 早兩日睇娛樂版話佢一年至少敷700片面膜, 即係一日起碼敷兩片... 一日敷兩片面膜好似有d難度, 所以敷面膜要敷得有質素既~

MIOGGI Double Action Recovery Foil Mask 金箔活炭雙效修復面膜, 係MIOGGI首款既「雙層面膜」! 面膜都有雙重? 係架, 面膜外層為Micro Foil金箔; 而內層就係活炭纖維黑面膜, 達至深層保濕鎖水, 同時有效改善暗啞膚色; 減淡細紋; 緊緻毛孔, 實行由內到外散發明亮水漾感!

MIOGGI金箔活炭雙效修復面膜其中一種成分為鑽石粉末, 聽到都覺得矜貴, 有助均勻膚色, 去除老廢角質! 而蘋果萃取蘊含豐富維他命C及有機酸, 有效均勻膚色及調理膚質! 另外八勝肽就可以幫助細緻毛孔; 緊緻膚質; 增加彈性! 黑野櫻果萃取有深層保濕及柔嫩膚質之效; 專利去端肽膠原更有瞬間逆轉膚質, 預防皮膚老化!

講左咁耐以為好貴? 只需HK$99就有一盒三片, 萬寧經常做獨有優惠添呢~ 購買時記得認清個貼紙呀, 如果貼紙已爛左就唔好買, 確保安全呀~


每次開黎用都好開心, 話晒金箔咁矜貴麻, 可以比我敷金箔面膜真係我既榮幸啊~ MIOGGI金箔活炭雙效修復面膜有內外兩邊, 活炭黑纖維內層就係皮膚接觸果一 面, 有助深層清潔毛孔, 幫助代謝老廢角質, 令精華吸收零阻隔!

外層要見人唔要做黑面神啊! Micro Foil金箔外層採用Moisture-lock雙重鎖水導入技術, 溫感滲透精華至肌膚底層, 有效防止精華及水份蒸發, 激活肌底微循環!


MIOGGI金箔面膜採取兩段式設計, 敷上面膜後用手指從內而外壓平, 令整片面膜緊貼臉部, 無空隙先可令肌膚加強吸收!

韓國製造及榮獲韓國 MFDS 美白抗皺認証, 配合專利成分增強膠原吸收, 啟動肌膚自我膠原再生系統, 淡化幼紋皺紋, 防止肌膚衰老!

一片MIOGGI金箔面膜有整整一瓶30g鑽石8效精華, 敷10分鐘都仲有好多精華, 但面膜唔需要敷太耐, 尤其秋冬乾燥天氣, 最多20分鐘就好啦, 因為乾燥天氣都會吸收左面膜既精華水份, 所以千萬唔好等面膜乾晒, 會有反效果架!

敷完面膜我就會用手指響肌膚上彈琴, 令精華更易被肌膚吸收!! 

我都幾鐘意MIOGGI金箔活炭雙層面膜, 獨特的面膜材質有效鎖住精華蒸發, 雙重導入肌底層, 令肌膚更水潤透亮! 對於疲倦; 暗啞; 鬆馳; 捱夜後暗沉或缺水肌膚都非常適用!

了解更多詳情: https://www.facebook.com/MIOGGI.HK/


分享到此為止, 拜拜~


°゚。・*.゚✩˂特別嗚謝 品牌 邀請˃✩゚.*・。゚°


♥歡迎邀約合作試用♡出席活動♥
fb.me/chanchecheee
chanchechee@gmail.com

文章標籤

cheChee 發表在 痞客邦 留言(0) 人氣()


年近歲晚, 個個都忙住大掃除! 而我呢, 已經為牙齒大掃除 (洗牙)! 每每洗完牙都會好珍惜牙醫為我棚牙洗到乾乾淨淨, 無晒牙漬, 所以我會好好咁對待我既白雪雪牙齒架!

LEBON香氛牙膏! 
創辦LEBON係海洋與大自然既愛好者, 響旅行過程中收集各種想法及創作靈感, 結合天然香氛; 自然有機成分既牙膏, 令人對牙膏有耳目一新既潔淨與芬芳體驗!

源自法國既極致講究 (the VERY BEST from France), 不含一般牙膏常見既有害化學物質而以天然成份取代調和, 締造口腔香氛與健康領域既獨特性以及精緻品味!

LEBON牙膏有好幾款味道, 而我呢款係Cap Ferrat Mood (費拉角情懷) - 匯集左來自法國各種清新既薄荷新鮮氣息!

牙膏係由摩擦劑與界面活性劑為兩大主體, 輔以保濕劑; 增稠劑; 香料等混合而成膏狀物質! 而LEBON就以純天然既礦植成份作為清潔口腔既載體! 

LEBON牙膏不含化學成分: 無月桂基硫酸鈉 (SLS); 無羥基苯甲酸 (Paraben); 無色素 (Colorings); 無三氯沙 (Triclosan); 無氟化物 (Fluoride); 無糖精 (Saccharin); 無山梨醣醇(Sorbitol); 無木醣醇 (Xylitol); 無二氧化鈦(Titanium Dioxide); 無硫酸鹽 (Sulfates) 等等, 大人小朋友怎至係素食者都可安心使用!

用LEBON牙膏刷牙時唔會有太多泡泡, 配上番木瓜作為溫和既天然美白劑, 其酵素(酶)具蛋白水解作用, 溫和有效去除牙斑汙漬!

LEBON牙膏含有機認證既綠茶與費拉蘆薈萃取: 綠茶有抗氧化力, 能抑制細菌於口腔滋生及牙菌斑生成; 而費拉蘆薈萃取液當中既蒽醌複合物, 有消炎, 舒緩消腫, 止痛及抑制細菌生長既效用, 保護牙齦!

LEBON香氛牙膏有6種香氣印記, 以頂級格拉斯香氛調合, 並於10/10 HOPE有售!

10/10 HOPE 銷售地點:
九龍塘又一城UG-40號舖
尖沙咀星光行2樓誠品生活
銅鑼灣希慎廣場8樓誠品書店803號舖
太古城中心地下誠品生活G015號舖
金鐘金鐘廊LAB Concept B11舖


分享到此為止, 拜拜~



°゚。・*.゚✩˂特別嗚謝 品牌 邀請˃✩゚.*・。゚°


♥歡迎邀約合作試用♡出席活動♥
fb.me/chanchecheee
chanchechee@gmail.com

文章標籤

cheChee 發表在 痞客邦 留言(0) 人氣()

有乜野好得過鑽石在手, 最近㩒㩒下手機見到個網站 - BisouMargaux (https://bisoumargaux.com/hk/), d 戒指超靚, 隻隻都鑲鑽架, 而且經由國際知名寶石鑒證, 配合埋時尚設計... 如果情人節收到嘅話我一定I do!!

如果想擁有一隻鑽戒, 我一定會揀選款式精美獨特; 閃耀光芒先可以吸引眼球, 而且最重要係我要一隻真正既 鑽 石 戒 指, 唔係朱義盛呀!! 所以品牌同公司既誠信就好重要啦~

就算去實體珠寶店, 睇到一只心儀鑽戒, 你或會被售貨員大吹大擂咁推介而感到不知所措, 但因尷尬而唔好意思推辭, 最後價錢可能大大超出左預期...所以網店就無剛才所講既壓迫感, 圖片加上詳細說明, 對於選擇有好大既方便! 我所講既選擇, 當然係以物品既吸引同價錢既比較做決定; 我響實體店會容易作出後悔既決定, 因為售貨員嘅意見好有可能影響自己既選擇!

瀏覽BisouMargaux網頁既同時, 不知不覺又增加左對鑽石既認識!! 因為佢地對寶石嘅鑒證有好詳細既說明, 對我呢d唔太熟悉行情既門外漢黎講, 於選擇上超級有幫助!

對BisouMargaux既信心, 係源自多個國際知名寶石鑒證, 每件首飾都有國際權威性既珠寶鑒證機構(如國際寶石學院(IGI); 歐洲寶石學院(EGL) 及美國寶石研究院(GIA)等) 發出既証書保證, 就係對寶石一竅不通既我, 都可以用合理嘅價錢而買到高質既寶石!

最令人窩心嘅係佢地既服務, 隨時隨地都可以透過網上或者Whatsapp Live Chat聯絡BisouMargux, 解答同幫助到顧客需要! 如果真係唔放心, 仲可以透過網站預約上去睇石添 
(https://bisoumargaux.com/chinese/)!

BisouMargaux既首飾鑽戒等以圖片展出, 一按圖象就有更詳盡描述, 全部資料包括重量; 顏色; 淨度; 鑲嵌物料等等, 就好有系統咁展視響你嘅屏幕, 自己作出比較同選擇, 然後加入購物車, 真係好方便!


若果款式唔啱心水, 你仲可以自己設計添呀; 真正獨一無二! 為左獎勵一下自己, 上網睇岩左個款式, 價錢又係我預算之內, 所以我就嗱嗱臨預約左上去睇鑽石啦, 順便問埋訂製戒指有咩野要注意既地方, 真係好心急想快d上去呀!!


BisouMargaux
https://bisoumargaux.com/hk/


分享到此為止, 拜拜~


♥歡迎邀約合作試用♡出席活動♥
fb.me/chanchecheee
chanchechee@gmail.com

文章標籤

cheChee 發表在 痞客邦 留言(0) 人氣()

我諗我唔認老都唔得啦.... 細細個既時候好怕阿婆香水, 到而家我居然會擺定支響手袋, 哈哈! 就好似細個唔鐘意食苦瓜因為覺得又苦又澀; 人大左就會覺得苦瓜唔苦, 反而係甘甜味, 所以話呢, 人係會變! 

「阿婆香水」唔係人人接受, 就好似榴蓮一樣, 鐘意食既就會好鐘意! 講番先, 我手上呢幾款產品係 大員堂 金門一條根 系列, 一條根原產於金門珠山村,係一種多年生豆科植物, 具有平肝健體功能, 能治腰腿骨痛; 跌打骨折; 腰肌勞損; 肩周炎; 頸椎病等症狀!


我最鐘意金門一條根精油滾珠, 細細支容量有成35g, 方便帶出街隨時用之外, 佢仲係一支萬用精油 蚊叮蟲咬都可以用佢架~


金門一條根精油滾珠 結合數種精油成份及功效, 味道有少少似茶樹油, 幾好聞~ 滾珠式設計唔會因塗既時候而沾到雙手; 配合滾珠打圈按摩, 精油更快滲透而達致舒緩效果!

金門一條根精油滾珠 超涼配方, 每每我塗完肩頸膊頭位置, 都可以舒緩肌肉疲勞而帶來既酸痛! 我試過有次響公司做到暈暈到, 攞佢出黎塗響太陽穴即刻好好多! 


另一個產品係 大員堂 聖品金門一條根精油軟膏!


若果你係運動健將, 聖品金門一條根精油軟膏 必定係你既恩物!! 成分有芙蓉萃取液; 十大功勞萃取液; 山蒼子精油等等, 加上含有維他命E, 有效滋潤肌膚!

大員堂 聖品 金門一條根精油軟膏運用左真空包裝按壓式設計, 一按就會滲出青蘋果色軟膏, 方便又衛生!

手腕間唔中會唔舒服, 好似扭柴既感覺... 我塗少少聖品 金門一條根精油軟膏, 輕輕推開按下, 滲透力高又唔黏膩, 疼痛好快就舒緩!

正如我之前所講, 聖品 金門一條根精油軟膏係運動員健將既恩物, 運動前後都可用佢, 當按摩膏咁用, 可以減少運動抽筋或拗柴等情況出現, 對舒緩肌肉疲勞更有幫助!


最後一個產品好似片紫菜 - 大員堂 金門一條根精油膏貼

 
 

金門一條根精油膏貼結合數種精油成份及功效, 加強改善血液循環, 深層滲透, 特別適合大部位既肩;頸; 腰背位置!

姿勢唔正確就好容易會有背痛, 當然唔可以長期倚賴精油膏貼, 但間唔中貼下又真係好鬼正! 若果果日真係背痛既話, 我會臨訓前貼一片響下背脊, 第二朝起身無晒痛, 舒服晒! 記得每次用完要貼實個鎖口位, 咁就唔怕成分揮發晒啦!

大員堂 金門一條根精油膏貼每片尺寸為120mm x 150mm, 可按自己需要裁剪適合既大細, 咁就唔會浪費啦~




大員堂 website:
http://www.taiyuentong.com.hk/

大員堂 Facebook:
https://www.facebook.com/KinMenGTH/

九龍新蒲崗彩虹道202—204號華懋工業大廈3樓A室
查詢電話: 21170086

銷售點: 
屈臣氏及各大藥房有售



分享到此為止, 拜拜~



°゚。・*.゚✩˂特別嗚謝 品牌 邀請˃✩゚.*・。゚°

 


♥歡迎邀約合作試用♡出席活動♥
fb.me/chanchecheee
chanchechee@gmail.com

文章標籤

cheChee 發表在 痞客邦 留言(0) 人氣()

Smile with us!!

唔知大家最近有無留意Kiehl’s既真人show活動呢? Kiehl’s Ultra Adventure 挑戰無極限 邀請左丁子高; 何超蓮; iLub既少爺Jim&Donald, 遠赴新西蘭皇后鎮, 響大自然環境下進行多項考驗智慧及體能既海陸空極限挑戰, 以別開生面既形式帶出特效保濕乳霜 (Ultra Facial Cream) 無懼極地天氣!

見到佢地進行特別任務, 搞到我都好想去新西蘭一齊挑戰 
(回顧挑戰無極限> http://bit.ly/2D31XrJ)!! 雖然挑戰無我份, 但Kiehl’s就送我Ultra Adventure Kit, 內附可摺疊式水樽; 萬用刀; 當然唔少得Ultra Facial Cream 特效保濕霜!


呢個Ultra Facial Cream 特效保濕霜係慈善限量版啊!! Kiehl’s 誠邀慈善機構Smile with us HK創辦人何超蓮, 以「發放微笑正能量」為主題, 用心形氣球包圍象徵快樂及正能量既笑臉既Ultra Facial Cream! 

講開呢個特效保濕霜Ultra Facial Cream, 主要成分蘊含南極冰川既葡萄醣蛋白; 澳洲內陸沙漠生長既白茅精華; 優質橄欖油; 牛油果油及維他命命E! 而我手上呢個肉肉植物就係澳洲白茅啦, 係其中一個主要成份!

澳洲白茅生長於澳洲內陸少漠, 7-10日先淋少少水落花泥, 可想而知白茅儲水能力幾過, 可以為肌膚注入水份並鎖住!

特效保濕霜Ultra Facial Cream 質感輕盈, 而且長效保濕又潤澤, 令肌膚維持水分平衡, 柔軟; 順滑; 富光澤! 尤其適合極度乾燥天氣環境, 有助肌膚吸收空氣中既水分及減低水分流失!

Kiehl’s 為慈善及環保不為餘力, 送上既Ultra Adventure Kit都非常有心思, 尤其可摺疊水樽!! 要減少製造垃圾由自攜水樽開始!

一收到我已經好鐘意要即刻用啦~ 矽膠設計方便摺疊收埋! 除左飲水呢個功力外, 佢仲係一個發洩工具, 就係用力鏈呀扭呀, 佢都唔會變形, 亦唔會整穿而漏水, 超爽呀!

個水樽仲要有個行山扣, 真係無論行山定行街都可以好輕鬆咁帶埋佢, 有得掛住鈎住... 飲晒後又可以摺細佢放入袋... 總之就係10個好啦, 哈哈!

大家都一齊支持Kiehl’s x Smile with us HK為香港聖公會褔利協會籌款, 向有特殊需要嘅基層學童伸出援手!
限量版特效保濕乳霜 (Ultra Facial Cream Limited Edition) - HK$295 (50ml)/ HK$500 (125ml)

 

 

分享到此為止, 拜拜~

 


°゚。・*.゚✩˂特別嗚謝 品牌 邀請˃✩゚.*・。゚°

 

 

♥歡迎邀約合作試用♡出席活動♥
fb.me/chanchecheee
chanchechee@gmail.com

文章標籤

cheChee 發表在 痞客邦 留言(0) 人氣()


我手上呢瓶就係日本品牌 ASTALIFT 既 Night Cream R 晚霜, 最適合乾燥時候, 即係秋冬; 長期冷氣或暖氣環境使用既晚霜, 因為肌膚得唔夠滋潤, 第二朝起身塗咩都唔吸收, 化妝都難上妝... 所以要為明日做好準備, 晚間既護理唔可以馬虎架~

ASTALIFT Night Cream R 蘊含超級抗氧成份蝦紅素Astaxanthin及茄紅素 Lycopene, 有效阻止破壞肌膚結構既游離基形成, 保護肌膚免受氧化侵害及紫外線為肌膚帶來既衰老問題!

ASTALIFT 以納米化技術將成分粒子縮小, 提高產品質素既穩定性, 令成分更有效滲透至肌膚低層!而 Night Cream R 加入左海洋萃取物及高濃度補濕劑, 延長補濕功效, 長時間保持滋潤飽滿!


Night Cream R 晚霜入便有一支棒棒, 方便用黎”了”面霜, 咁就衛生得多啦! 只於用量方面, 晚霜既包裝外層印有用量建議, 當然可以按照自己既需要需增加或減少啦~

Night Cream R 加入天然大馬士革玫瑰精油及「洋甘菊精油, 大馬士革玫瑰有效為肌膚保濕及回復彈性; 而洋甘菊就有助調理乾性及敏感性肌膚, 對舒緩及鎮靜肌膚相當有效!

我就鐘意逐少逐少咁塗上面, 先慢慢打圈塗開, 再用按壓手法至吸收! 雖然講明 ASTALIFT Night Cream R 係滋潤型面霜, 但佢一d都唔會立痴痴, 反而好快被皮膚吸收, 保護肌膚!


如果你好似我咁, 鼻哥好容易甩皮, 就可以臨訓前塗多一點點Night Cream R響鼻哥, 第二朝起身就唔會甩皮啦~


不得不讚美ASTALIFT會為環保出力, 用完Night Cream R可以淨係買補充裝, 一來平dd 二來唔洗咁多一盒盒響度, 掉又好浪費, 唔掉又阻定...

紙盒就產品簡介單張, 印有圖畫簡潔又易明!

將ASTALIFT Night Cream R 除去外蓋, 然後反方向一扭, 咁就可以換Refill架啦, 好方便!


用完買盒Refill就搞掂! Night Cream R 帶有淡淡香味, 有助入睡及提升睡眠質素! 而售價為貨裝 - HK$690/30g; 補充裝 - HK$640/30g

銷售點

ONLINE SHOP: www.astalift.com.hk
FUJIFILM Studio: 香港銅鑼灣告士打道311 號皇室堡10 樓1013 室


分享到此為止, 拜拜~



°゚。・*.゚✩˂特別嗚謝 品牌 邀請˃✩゚.*・。゚°



♥歡迎邀約合作試用♡出席活動♥
fb.me/chanchecheee
chanchechee@gmail.com

文章標籤

cheChee 發表在 痞客邦 留言(0) 人氣()


歲月不饒人, 夜訓加上每日都對住咁多電子器材 (包括手提電話; 電腦; 電視等等), 雙眼長時間凝視住發光既屏幕, 好容易出現眼睛乾澀... 久而久之, 眼袋; 黑眼圈; 眼紋; 眼皮下垂等等眼部問題就會慢慢出現! 雖然有好多護膚產品話可以護眼, 減輕眼周肌膚老化問題, 但係呀, 點及得做療程又快又keep得耐, 嘿~響呢個科技發達既現今社會, 誇張D講句想永遠年輕貌美絕非難事!

有邊個女仔唔貪靚? 相信係人都想保持年輕! 正所謂「沒有醜女人, 只有懶女人」, 就算你幾勤力都好, 25歲過後膠原流失, 肌底肌腱膜開始鬆弛就好難補救, 皮膚下垂; 皺紋.... 諗起都慘慘豬! 不過, 我搵到個可以令皮膚緊緻持續1年既一次性療程, 講緊既就係 Ultherapy輪廓拉提療程! 

Ultherapy係非入侵性技術, 釋出既聚焦超聲波能量精準直達真皮層以下, 令肌腱膜受熱至65℃, 激發細胞活化及強化皮下纖維組織, 重點拉提收緊, 重整肌底結構! 療程針對眉眼; 面頰; 腮; 下顎; 頸以至上胸位置, 無須開刀; 安全無創! 而且療程均全由醫生操作, 絕對專業!

Ultherapy有咩咁厲害? 其實Ultherapy都係HIFU聚焦超聲波既一種, 不同之處就係佢既聚焦超聲波可以深入真皮層下4.5mm肌腱膜 (SMAS), 一般HIFU 只係去到3.2mm 架咋, 效果當然係Ultherapy更明顯持久啦~ 另外, Ultherapy® 更加係唯一獲美國FDA認證的非入侵式輪廓拉提療程, 大多由註冊醫生親自操“機”! 我咁精明眼, 梗係要搵又安全又可靠既療程啦~

較早前接觸到Neo Derm公司旗下這個全新醫美平台 www.gratus.com.hk , 有好多熟悉既醫美產品, 仲有好多唔同既療程優惠! 而透過gratus預約既Ultherapy療程, 更會全由註冊醫生主理; 而註冊醫生需經過專業培訓及考核, 專業可靠! 平台上仲有埋醫生配對, 可以自己挑選心儀醫生! 我就係透過gratus揀選左位於銅鑼灣既 MedicGlow醫學美容中心進行 Ultherapy!

療程開始前醫生會詳細講解Ultherapy原理及過程, 並了解我既肌膚狀況, 進行輪廓分析等等, 跟住就清潔面部及塗上麻醉膏, 始終都係高能量療程, 超聲波能量輸送時有機會會有微熱感, 塗上麻醉膏有助減低療程時帶來既不適!

我今次係做Ultherapy 眼部療程, 由太陽穴至面頰兩邊上方都屬於眼部範圍, 所以塗麻醉膏都塗得幾廣闊 ^^y

等待接近半小時既麻醉膏藥力發揮作用, 醫生就開始用筆響眼部周圍做記號!


Ultherapy療程可配合不同機頭將超聲波聚焦至不同深度! 今次我用既為3.0mm 機頭, 特別適用於眼部拉提,針對眼袋、眼紋、眼皮下垂!


Ultherapy仲有個犀利既地方就係專利DeepSEE實時影像功能, 療程期間醫生會透過屏幕上既實時影像技術, 同 步監察能量輸送位置, 確保安全對準最合適肌膚深度! 比起一般HIFU treatment 更精準, 加上能量聚焦又落得夠精準, 唔怪得每年做一次就夠啦, 可以say goodbye to 1年3次嘅HIFU lu~~

講到大家最關心嘅問題,Ultherapy過程痛唔痛? 塗左麻醉膏後, 只有輕輕彈動感覺, 至於到靠骨位置, 就有d酸酸痺痺既感覺!


療程好快就完結, 大概30分鐘左右; 肌膚有少少泛紅都是正常表現, Ultherapy眼部療程對於眼皮下垂及眼袋係好有幫助架呢~

過程痛又唔係好痛, 即時會覺得皮膚緊緻左, 但睇見自己肌膚紅晒都有d緊張, 不過過幾個鐘就好快退紅, 唔洗擔心! 醫生話做完 Ultherapy後大概一個月開始見見拉提效果, 3個月後效果最明顯; 而我自己就覺得眼紋明顯淡左, 做1次Keep 1年, 平時keep番用日常眼霜/眼膜護理就Ok! 3個月後再同大家分享啦!


如果你都對呢個treatment 有興趣, 都可以好似我咁, 先上gratus 網站了解 
www.gratus.com.hk/s/98XT6P , 而家Ultherapy眼部輪廓拉提療程做緊尊享價HK$1,888, 仲可以到指定醫學美容中心進行療程架!

www.gratus.com.hk
www.facebook.com/gratushk

分享到此為止, 拜拜~

 

°゚。・*.゚✩˂特別嗚謝 品牌 邀請˃✩゚.*・。゚°

 


♥歡迎邀約合作試用♡出席活動♥

fb.me/chanchecheee

chanchechee@gmail.com

文章標籤

cheChee 發表在 痞客邦 留言(0) 人氣()

自問頭髮唔健康, 間唔中就會漂染頭髮, 仲會燙直頭髮, 想頭髮黑麗亮澤都幾難! 正所謂內外夾攻, 要揀選合適既頭髮護理產品, 加埋健髮保品, 內服外用, 白髮脫髮稀疏等等問題通通唔需要膽心!

早前我獲邀參與 維新烏絲防脫洗髮露 發佈會, 維新烏絲素就成日都聽到, 原來維特健靈都有洗頭水架! 消委會洗頭水測試報告, 驗出市面上多款含二噁烷及致敏防腐劑, 所以洗頭水要認真揀選!

維新烏絲防脫洗髮露可以話係5星級洗髮露, 佢不含二噁烷及MIT/CMIT致敏物 (註: MIT/CMIT 係防腐劑既一種); 蘊含珍貴中藥成分並英國製造, 安全可靠, 保護髮囊!

發佈會當日仲邀請左陳曉東; Ana.R; Aka; J.Aire及梁嘉琪分享五星護髮心得, 並送上一系列維特健靈產品, 讓頭髮喚醒自信!

中醫藥理有云「髮為血之餘」, 脫髮問題係源於肝腎血氣虛弱, 令營養輸送唔到到髮囊! 作為打工仔既我, 捱夜加班好似係正常事, 但長期休息唔夠, 好容易會令肝腎更為虧虛, 加劇脫髮; 白髮!

有見及此, 維新烏絲素 薈萃靈芝; 制首烏及當歸等珍貴健髮藥材; 靈芝有助調理五臟; 女貞子促進血液循環, 幫助營養迅速輸送到髮囊, 為髮囊提供養分; 而何首烏能養血養肝, 固精益腎, 有助黑髮生長!


仲有一個產品係 維新烏絲精華液, 蘊含純中草藥何首烏; 牛蒡; 丹蔘; 艾葉, 有助促進血液循環, 為頭髮提供足夠養份, 刺激頭髮生長, 令髮根更強壯!

當日仲有著名髮型師James同大家分享護理頭髮既小秘訣, 大家都獲益良多!

而我都唔執輸, 返到屋企就即刻用維新烏絲護髮三寶, 首先係維新烏絲防脫洗髮露! 洗髮露真係好緊要, 儀容整潔與否都好取決頭髮既潔淨整齊!


簡約設計既維新烏絲防脫洗髮露, 洗髮露為啡色, 氣味有d中藥藥材味道, 感覺就好似將何首烏; 靈芝等珍貴中藥成分塗上頭髮!

濕髮後加入適量既維新烏絲防脫洗髮露, 然後再輕揉按摩, 最後再沖洗! 維新烏絲防脫洗髮露比一般洗頭水無咁多泡泡, 但多泡亦唔代表會乾淨d!

初初用維新烏絲防脫洗髮露會好唔慣, 因為洗完頭會感覺好鞋, 鞋到接受唔到, 所以我會加少少護髮素響髮尾! 雖然鞋, 但鞋亦有好處, 就係將包住頭髮既千年化學物/塵埃/污垢通通洗淨!

第二步就係用上 維新烏絲精華液! 之前都有提及過, 維新烏絲精華液 有助促進血液循環, 刺激頭髮生長;其中一種成分Capigen更有助控制過多頭油, 令頭髮保持清爽!

用法超簡單, 只需將維新烏絲精華液塗於乾淨既頭皮表面, 然後輕輕按摩, 無須沖洗, 早晚都可以使用! 精華液屬水狀, 按摩兩下好快就被吸收, 感覺涼涼好舒服, 加上氣味清香, Very Nice!


最後一寶係 維新烏絲素! 呢個保養品絕對唔陌生, 中藥強肝腎; 防脫髮, 重現烏黑濃密! 正如我開頭所講, 作息唔規律好影響肝臟功能, 從而加劇白髮及脫髮等問題, 因此調理肝腎, 促進血液循環先係改善問題既關鍵! 

有研究顯示每日服食3粒 維新烏絲素 連續6星期, 毛髮生長增幅高達60%及增加濃密度! 正所謂有頭髮邊個想做癩痢, 防範未然, 每日3粒就搞掂晒~


維新烏絲防脫洗髮露 一支150ml, 標準價為HK$119, 價錢屬中上, 但佢堅係支好既洗頭水, 用左短短一星期, 強化頭皮組織, 頭髮強韌左, 無咁易斷之餘, 頭髮彈性亦強左, 唔再扁塌!


分享到此為止, 拜拜~


°゚。・*.゚✩˂特別嗚謝 品牌 邀請˃✩゚.*・。゚°


♥歡迎邀約合作試用♡出席活動♥

fb.me/chanchecheee

chanchechee@gmail.com

文章標籤

cheChee 發表在 痞客邦 留言(0) 人氣()


今日參觀左ClubONE會所一號婚禮宴會廳, 一入門已經感覺到好有氣勢同高貴, 進入會場見到簇新既裝修; 餐桌既擺放; 高貴既水晶吊燈襯著柔既燈光; 高高既樓底天花, 令人感到地方寬敞及舒服!

門口既右邊係寬廣既接待地方, 多位賓客同時間到臨都唔會覺得迫促! 而門口既左邊係影相位 - LOVE!

型格拍照區 - 可以亮燈既LOVE佈置板, 旁邊備有兩張品味風格皮座椅, 可以安排照片即場列印; 又或者將照片上載社交平台, 開心share/呃Like!

禮台佈置非常配合婚禮主題, 賓客從各方面都可以清楚睇到禮台上新人同來賓既互動!

別緻既牆飾, Vintage 得黎充滿優雅貴氣!

場地右方係一個高台, 外國火車式設計, 配似吧枱段般, 可以讓早到來 未入席前既賓客, 係一個交談聯誼既好地方! 可以一邊碰杯; 一邊聊天, 唔洗一到場就坐響宴會桌上等開席! 

遠少少附近安放左十張麻雀枱, 方便鐘意手談既賓客, 算係照顧週到, 甚有心思!

而禮台既右方安放左一座大三角鋼琴, 可以現場演奏

整個場地最多可以筵開三十五多席! 另外, 場地交通亦十分方便, 停車場近在咫尺, 盡得地利!


ClubONE時尚康山
太古康山道2號康蘭居2樓
查詢: 8202-3393


分享到此為止, 拜拜~


♥歡迎邀約合作試用♡出席活動♥

fb.me/chanchecheee

chanchechee@gmail.com

文章標籤

cheChee 發表在 痞客邦 留言(0) 人氣()


正正正! 我手上呢幾片唔係非一般既面膜, 而係極之矜貴既黃金面膜啊!!!! 響呢個咁乾燥既季節, 每日唔敷過面膜都對唔住自己, 一洗完面唔即刻塗精華/面霜, 塊面乾到呢.... 仲有化妝唔上妝既情況, 全部都係因為肌膚乾燥唔夠水!


來自韓國專利科技紅茶護膚品牌VIVLAS, 一盒有五片, 採用高品質紅茶葉配合獨家專利成份, 以高濃縮紅茶酵素精華液, 將發酵出既酵素效果三重提升!


Made in Korea 正品 Vivlas!

點解話Vivlas係極之矜貴呢? 因為我無諗過係黃金面黎架!!! 好Suprise呢~ Vivlas 從紅茶酵素中令肌膚得到最強抗菌作用, 可以抑制細菌形成; 阻截毛孔受感染造成暗瘡等問題!


哇~~~ 咁大個女第一次成面都係黃金咋, 以前都有用過金箔產品, 但唔係咁大片, 黃金份量邊有咁多喎!


Vivlas 面膜採取兩段式設計, 敷上面膜後緊記用手指從內而外壓平, 令整片面膜緊貼臉部, 無空隙先可令肌膚加強吸收!


Vivlas 面膜以發酵大豆; 柳樹及肉桂皮等多種草本提煉出天然保濕鎖水分子, 為皮膚注入營養! 面膜更獲得韓國皮膚臨床研究中心低敏認證, 不含礦物質油; 氧苯酮; 三乙醇胺; 三氧沙; 羥基苯甲酸酯及苯氧乙醇六種有害成份, 可以放心使用! 

面膜唔需要敷得耐, 尤其而家乾燥天氣, 短短10-15分鐘已經好足夠! 話晒極致奢華黃金面膜, 敷完面唔好浪費再敷埋條頸, 哈哈~


短短十幾分鐘為肌膚注水並提供養份, 感覺白左又滑左; 迅速為肌膚注水, 加強肌膚鎖水能力, 改善粗糙; 光澤番返黎!


極致奢華Vivlas 面膜邊度買得到呢? 唔洗周圍搵, 屈臣氏有得賣!


分享到此為止, 拜拜~


°゚。・*.゚✩˂特別嗚謝 品牌 邀請˃✩゚.*・。゚°

♥歡迎邀約合作試用♡出席活動♥

fb.me/chanchecheee

chanchechee@gmail.com

文章標籤

cheChee 發表在 痞客邦 留言(0) 人氣()