cheChee is here

嘻嘻! 乜都唔洗講就知我成功整到雞仔蛋撻&熊貓鮮奶撻啦, 呵呵呵~ 其實好易整, 你都得架!!



我參加左奇華工作坊所舉辦既熊貓鮮奶撻及小雞仔蛋撻班 (查實係旅遊達人謝利Jerry邀請我去架^^), 可以話零失敗, 一定得工作坊! 



哈哈, 好似兩個拎左張畢業証書咁, 「阿媽, 我終於得左啦」hahahaha



過程輕鬆又愉快, 先睇示範然後就輪到大家一手一腳做, 由搓揉麵粉團到餅皮, 做模到倒蛋漿... 世上無難事, 無野無唔得架!





我都有板有眼架, 搓皮唔難, 放落去個蛋撻模先難! 又驚佢爛, 又驚佢厚得濟或薄得濟唔平均... 



倒蛋漿既技巧就係唔好倒過多!

之後就可以放入焗爐30分鐘!





等蛋撻既時候就係畫畫既時候啦, 大家都努力用朱古力去創造得意可愛既熊貓&雞仔.... 我既創作都尚可接受啦~





出爐啦出爐啦! 待涼後就可以裝飾啦!



哈哈! 好得意呀, 唔食得都睇得啦!

多謝師父Macy輕鬆有趣既耐心教導, 仲教我地雞蛋揀選湖南蛋; 鮮奶唔一定3.6; 仲有吱朱古力技巧...



我得你都得, 奇華工作坊包你一定成功! 

我請屋企人試我既手勢, 個個都話好味, Yeah!!





奇華工作坊

地址: 香港灣仔皇后大道東188號2樓

課程資訊: https://goo.gl/fg2mZs





分享到此為止, 拜拜~





♥歡迎邀約合作試用♡出席活動♥

fb.me/chanchecheee

chanchechee@gmail.com

(繼續閱讀...)

cheChee 發表在 痞客邦 留言(0) 人氣()

貪靚係女人既天性, 俗語都有話一白可以遮三醜! 響呢個急速年代, 所有野都講求快 靚 正, 就好似平時起身刷牙洗面, 化個靚妝然後出門, 化妝係一個大學問, 尤其遮瑕! 所以首先要有靚既肌膚; 因此要揀岩護膚品!

最近我用緊New Beauty Express所出品既白土系列, 以高純度白土礦物質為原料, 不添加防腐劑及化學用品, 適合所有肌膚! 加上白土既多孔性; 細微粒子; 純白色澤, 唔會引起化學變化而導致肌膚敏感問題! 而其中一支係升級高濃度抗氧維他命C精華, 值得推介比大家! 

呢支就係升級高濃度抗氧維他命C精華, 維生素C含量有59個檸檬以上及熊果素, 可被肌膚吸收達深層, 有助分解黑色素, 腺素促進膠原蛋白增生, 改善皺紋有抗氧化作用, 抗衰老!

成份包括水; 抗壞血酸(維生素C)10.5% ; 甘油; 熊果素及丁二醇等等! 精華既存放期唔會太長, 樽上印有6M即係6個月有效期!

高濃度既維生素C有效穿透角質層, 滲透肌膚底層, 直接刺激肌底膠原蛋白組織, 令膠原蛋白大量生成, 分解黑色素, 令肌膚均勻明亮!

升級高濃度抗氧維他命C精華功效多多, 除左淡化色斑; 均勻膚色; 高效抗氧, 預防衰老之外, 仲有效平衡油脂, 抑制及平衡油脂分泌, 令肌膚唔再油光滿面!


濃度10%以上既維生素C先會容易被肌膚吸收; 而New Beauty Express升級高濃度抗氧維他命C精華更高達10.5%! 雖然質地係油油感, 但滲透力驚人, 瞬間就被吸收, 反而覺得滋潤哩!


要注意一點既係, 維生素C建議日間使用, 因維生素C係超級抗氧化物, 具抑制及還原黑色素既能力, 減低日間紫外線對肌膚既傷害及中和游離基既損害!

另一個產品都係精華: 鉑金緊緻抗衰老精華 Antiaging Serum with Platinum Double Effect

自古以來坊間一直追尋長生不老之術, 而呢款精華正正就係有抗衰老呢個功效, 其中一種成份為箔金納米膠體, 配合有效既護膚成份可進入肌膚深層, 激活皮下纖維組織, 促進膠原蛋白增生, 從而強化膠原蛋白纖維組織既緊密度, 令皮膚變得柔軟, 緊緻, 有彈性!

成份包含橄欖果油; 鯨蠟醇; 柿葉萃提物; 白柳樹皮; 甘油; 蘆薈葉汁及鉑金納米膠體等等, 有助美白肌膚及增加膠原蛋白及彈力, 皺紋自然得到改善!


質地為乳液狀既鉑金緊緻抗衰老精華, 感覺似lotion, 質感溫和輕盈, 迅速吸收唔黏膩!


一至兩泵既精華於面部點按式推開塗勻; 紋理較深既位置 (如額頭紋), 我會塗多一點點! 最後由下至上提位達致V面緊緻, 精華會於肌膚面層形成透明保護膜, 肌膚即時滑溜溜, 並提升滋潤度!

基於質感輕盈易推, 延展度高, 用鉑金緊緻抗衰老精華黎做導入會更事半功倍!


New Beauty Express 呢兩支精華已成為我日精必用精華! 早上會維生素C精華+抗衰老精華一齊用; 而晚上就淨係用抗衰老精華! 美白抗衰老兩管齊下, 下一個美魔女仲唔輪到我, 哈哈!

升級高濃度抗氧維他命C精華
Advanced Serum with Vitamin-C (Vit.C 10.5%)
HK$580/30ml
鉑金緊緻抗衰老精華
Antiaging Serum with Platinum Double Effect
HK$580/30ml
New Beauty Express
電話: 2728 6918
網址: http://www.nbexpress.hk
Facebook: http://www.facebook.com/NBE601s
分享到此為止, 拜拜~

(繼續閱讀...)

cheChee 發表在 痞客邦 留言(0) 人氣()

相信唔少人同我一樣係面膜腔, 嘻嘻! 何謂面膜腔? 我既定義係好鐘意買面膜同敷面膜! 不過我又未至於一年敷700片面膜咁多, 但我諗我一年都敷300片, 即係隔日就會敷面膜; 加上面膜係旅行既最佳手信, 去親旅行閒閒地買番一百幾十片返來!
妝蕾RAY面膜去泰國旅行必買, 但而家香港都買到啦, 最重要係唔洗驚買到水貨, 正貨RAY Mask於指定銷售點包括全線 SASA; 萬寧; 雅施及阿布泰國生活百貨有售!
妝蕾RAY Mask 有兩款, 金色 Gold Facial Mask 有助修復痘痘; 去痘印; 美白淡斑! 而銀色 Facial Mask就可以嫩膚抗皺; 深層補濕; 修復肌膚! 
泰國原裝進口, 唔想買錯次貨或假貨, 就要認清盒上印有www.rayanskin.net先為原裝正貨!
最近可能食得熱氣野多, 居然長左粒大痘痘, 為左快快消滅痘痘, 我揀選左金色包裝既妝蕾RAY Mask, 因為金色呢款主要功效為淨斑亮白; 淡紋去痘, 正正就係我需要!
金色妝蕾RAY Mask成份蘊含金箔; 蝸牛原液及膠原蛋白! 金箔有提拉緊緻之效, 減輕泛紅便感; 蝸牛原液更有修復受損肌膚, 柔肌亮膚; 而膠原蛋白則可增強彈性, 改善鬆弛肌膚!
每片有一塊妝蕾RAY Mask, 面膜有三層, 其中外層係藍色; 另一邊外層係錫紙, 中間先係真面膜, 唔好敷錯呀啊!
妝蕾RAY Mask選用蠶絲面膜, 蠶絲構造成份與人體皮膚極為相似, 加上輕柔且不刺激肌膚; 蠶絲面膜屬多孔性纖維, 精華液儲存力強, 保濕度更遠超普通面膜多倍!
妝蕾RAY 蠶絲面膜質地超薄, 貼敷性強, 滲透性高! 而蠶絲本身含有多種胺基酸, 可經皮膚滲透吸收, 有助促進血液循環, 加速皮膚新陳代謝, 延緩皮膚老化!
面膜大小剛好, 而且超薄超貼面!
蠶絲面膜就敷響面, 而藍色呢片都可以敷架! 藍色呢個可以用黎敷頸, 可以減淡頸紋, 用得唔好浪費麻~
面膜唔需要敷太長時間, 一般10至15分鐘已經有助皮膚吸收精華內既活性成分, 令肌膚亮透白滑緊緻有彈性!
敷完短短15分鐘妝蕾RAY Mask, 我既肌膚係幾咁水潤令立立! 再用埋手指彈琴方式去按摩肌膚, 待精華被肌膚加以吸收!!

(繼續閱讀...)

cheChee 發表在 痞客邦 留言(0) 人氣()

最怕潮潮濕濕既季節, 呢排天氣唔單止忽冷忽熱, 大霧引起既潮濕真係好麻煩, 日日都要開抽濕機! 由冬天變春天既季節, 護膚品係時候要轉轉啦, 唔可以再用滋潤性既產品... 不過, 最近收到Yves Rocher送來一套三款 Elixir Jeunesse 系列, 好好用, 值得推介比大家!

法國品牌Yves Rocher既 Elixir Jeunesse 抗污染系列包括抗污染雙效精華素; 抗污染深層修復日霜; 及 抗污染修復眼霜! 綠色既包裝比人感覺天然, 純天然草本成分, 不含人造色素及PARABENS防腐劑, 溫和保護同時對抗內外污染, 修復肌膚!

超愛Yves Rocher Elixir Jeunesse 系列既眼霜 - Repair + Anti-pollution Reviver Roll-on 抗污染修復眼霜! 因為佢係三圓珠式設計, 塗眼霜既同時做埋按摩, 增加眼周血液循環!

現今科技發達, 每日都接觸好多電子產品, 包括手機; 電腦; 電視等等, 加上生活作息時間唔足夠, 眼晴長期運作, 久而久之眼部肌膚亦受到進一步既傷害! Yves Rocher 抗污染修復眼霜, 只需輕輕按壓瓶身, 眼霜就從三圓滾珠既中央吱出黎, 由眼頭至眼尾, 最後響眼尾再打8字加以按壓按摩, 促進淋巴引流, 舒緩眼部浮腫, 改善黑眼圈問題!

自問黑眼圈屬嚴重, 產品唔係用一次半次就即刻有效果, 正所謂世上只有懶女人, 每日早晚用抗污染修復眼霜就可以改善環境對眼部既傷害!

另一個產品係Elixir Jeunesse Double Action Essence Repair+Anti-pollution 污染雙效精華素!

純草本成分配合高濃度精華, 有效對抗內外污染物而引致既肌膚問題! Yves Rocher 污染雙效精華素可改善肌膚暗啞情況, 提升肌膚明亮度; 有深層保濕作用, 持久鎖水, 從而減低幼紋乾紋產生, 修護受損肌膚!

(繼續閱讀...)

cheChee 發表在 痞客邦 留言(0) 人氣()

范冰冰皮膚又白又滑, 早兩日睇娛樂版話佢一年至少敷700片面膜, 即係一日起碼敷兩片... 一日敷兩片面膜好似有d難度, 所以敷面膜要敷得有質素既~



MIOGGI Double Action Recovery Foil Mask 金箔活炭雙效修復面膜, 係MIOGGI首款既「雙層面膜」! 面膜都有雙重? 係架, 面膜外層為Micro Foil金箔; 而內層就係活炭纖維黑面膜, 達至深層保濕鎖水, 同時有效改善暗啞膚色; 減淡細紋; 緊緻毛孔, 實行由內到外散發明亮水漾感!



MIOGGI金箔活炭雙效修復面膜其中一種成分為鑽石粉末, 聽到都覺得矜貴, 有助均勻膚色, 去除老廢角質! 而蘋果萃取蘊含豐富維他命C及有機酸, 有效均勻膚色及調理膚質! 另外八勝肽就可以幫助細緻毛孔; 緊緻膚質; 增加彈性! 黑野櫻果萃取有深層保濕及柔嫩膚質之效; 專利去端肽膠原更有瞬間逆轉膚質, 預防皮膚老化!



講左咁耐以為好貴? 只需HK$99就有一盒三片, 萬寧經常做獨有優惠添呢~ 購買時記得認清個貼紙呀, 如果貼紙已爛左就唔好買, 確保安全呀~





每次開黎用都好開心, 話晒金箔咁矜貴麻, 可以比我敷金箔面膜真係我既榮幸啊~ MIOGGI金箔活炭雙效修復面膜有內外兩邊, 活炭黑纖維內層就係皮膚接觸果一 面, 有助深層清潔毛孔, 幫助代謝老廢角質, 令精華吸收零阻隔!



外層要見人唔要做黑面神啊! Micro Foil金箔外層採用Moisture-lock雙重鎖水導入技術, 溫感滲透精華至肌膚底層, 有效防止精華及水份蒸發, 激活肌底微循環!





MIOGGI金箔面膜採取兩段式設計, 敷上面膜後用手指從內而外壓平, 令整片面膜緊貼臉部, 無空隙先可令肌膚加強吸收!



韓國製造及榮獲韓國 MFDS 美白抗皺認証, 配合專利成分增強膠原吸收, 啟動肌膚自我膠原再生系統, 淡化幼紋皺紋, 防止肌膚衰老!



一片MIOGGI金箔面膜有整整一瓶30g鑽石8效精華, 敷10分鐘都仲有好多精華, 但面膜唔需要敷太耐, 尤其秋冬乾燥天氣, 最多20分鐘就好啦, 因為乾燥天氣都會吸收左面膜既精華水份, 所以千萬唔好等面膜乾晒, 會有反效果架!



敷完面膜我就會用手指響肌膚上彈琴, 令精華更易被肌膚吸收!! 



我都幾鐘意MIOGGI金箔活炭雙層面膜, 獨特的面膜材質有效鎖住精華蒸發, 雙重導入肌底層, 令肌膚更水潤透亮! 對於疲倦; 暗啞; 鬆馳; 捱夜後暗沉或缺水肌膚都非常適用!



了解更多詳情: https://www.facebook.com/MIOGGI.HK/





分享到此為止, 拜拜~





°ﾟ｡･*.ﾟ✩˂特別嗚謝 品牌 邀請˃✩ﾟ.*･｡ﾟ°





♥歡迎邀約合作試用♡出席活動♥

fb.me/chanchecheee

chanchechee@gmail.com

(繼續閱讀...)

cheChee 發表在 痞客邦 留言(0) 人氣()

年近歲晚, 個個都忙住大掃除! 而我呢, 已經為牙齒大掃除 (洗牙)! 每每洗完牙都會好珍惜牙醫為我棚牙洗到乾乾淨淨, 無晒牙漬, 所以我會好好咁對待我既白雪雪牙齒架!
LEBON香氛牙膏! 
創辦LEBON係海洋與大自然既愛好者, 響旅行過程中收集各種想法及創作靈感, 結合天然香氛; 自然有機成分既牙膏, 令人對牙膏有耳目一新既潔淨與芬芳體驗!
源自法國既極致講究 (the VERY BEST from France), 不含一般牙膏常見既有害化學物質而以天然成份取代調和, 締造口腔香氛與健康領域既獨特性以及精緻品味!
LEBON牙膏有好幾款味道, 而我呢款係Cap Ferrat Mood (費拉角情懷) - 匯集左來自法國各種清新既薄荷新鮮氣息!
牙膏係由摩擦劑與界面活性劑為兩大主體, 輔以保濕劑; 增稠劑; 香料等混合而成膏狀物質! 而LEBON就以純天然既礦植成份作為清潔口腔既載體! 
LEBON牙膏不含化學成分: 無月桂基硫酸鈉 (SLS); 無羥基苯甲酸 (Paraben); 無色素 (Colorings); 無三氯沙 (Triclosan); 無氟化物 (Fluoride); 無糖精 (Saccharin); 無山梨醣醇(Sorbitol); 無木醣醇 (Xylitol); 無二氧化鈦(Titanium Dioxide); 無硫酸鹽 (Sulfates) 等等, 大人小朋友怎至係素食者都可安心使用!
用LEBON牙膏刷牙時唔會有太多泡泡, 配上番木瓜作為溫和既天然美白劑, 其酵素(酶)具蛋白水解作用, 溫和有效去除牙斑汙漬!
LEBON牙膏含有機認證既綠茶與費拉蘆薈萃取: 綠茶有抗氧化力, 能抑制細菌於口腔滋生及牙菌斑生成; 而費拉蘆薈萃取液當中既蒽醌複合物, 有消炎, 舒緩消腫, 止痛及抑制細菌生長既效用, 保護牙齦!
LEBON香氛牙膏有6種香氣印記, 以頂級格拉斯香氛調合, 並於10/10 HOPE有售!
10/10 HOPE 銷售地點:
九龍塘又一城UG-40號舖
尖沙咀星光行2樓誠品生活
銅鑼灣希慎廣場8樓誠品書店803號舖
太古城中心地下誠品生活G015號舖
金鐘金鐘廊LAB Concept B11舖
分享到此為止, 拜拜~

(繼續閱讀...)

cheChee 發表在 痞客邦 留言(0) 人氣()

有乜野好得過鑽石在手, 最近㩒㩒下手機見到個網站 - BisouMargaux (https://bisoumargaux.com/hk/), d 戒指超靚, 隻隻都鑲鑽架, 而且經由國際知名寶石鑒證, 配合埋時尚設計... 如果情人節收到嘅話我一定I do!!
如果想擁有一隻鑽戒, 我一定會揀選款式精美獨特; 閃耀光芒先可以吸引眼球, 而且最重要係我要一隻真正既 鑽 石 戒 指, 唔係朱義盛呀!! 所以品牌同公司既誠信就好重要啦~
就算去實體珠寶店, 睇到一只心儀鑽戒, 你或會被售貨員大吹大擂咁推介而感到不知所措, 但因尷尬而唔好意思推辭, 最後價錢可能大大超出左預期...所以網店就無剛才所講既壓迫感, 圖片加上詳細說明, 對於選擇有好大既方便! 我所講既選擇, 當然係以物品既吸引同價錢既比較做決定; 我響實體店會容易作出後悔既決定, 因為售貨員嘅意見好有可能影響自己既選擇!
瀏覽BisouMargaux網頁既同時, 不知不覺又增加左對鑽石既認識!! 因為佢地對寶石嘅鑒證有好詳細既說明, 對我呢d唔太熟悉行情既門外漢黎講, 於選擇上超級有幫助!
對BisouMargaux既信心, 係源自多個國際知名寶石鑒證, 每件首飾都有國際權威性既珠寶鑒證機構(如國際寶石學院(IGI); 歐洲寶石學院(EGL) 及美國寶石研究院(GIA)等) 發出既証書保證, 就係對寶石一竅不通既我, 都可以用合理嘅價錢而買到高質既寶石!
最令人窩心嘅係佢地既服務, 隨時隨地都可以透過網上或者Whatsapp Live Chat聯絡BisouMargux, 解答同幫助到顧客需要! 如果真係唔放心, 仲可以透過網站預約上去睇石添 (https://bisoumargaux.com/chinese/)!
BisouMargaux既首飾鑽戒等以圖片展出, 一按圖象就有更詳盡描述, 全部資料包括重量; 顏色; 淨度; 鑲嵌物料等等, 就好有系統咁展視響你嘅屏幕, 自己作出比較同選擇, 然後加入購物車, 真係好方便!

(繼續閱讀...)

cheChee 發表在 痞客邦 留言(0) 人氣()

我諗我唔認老都唔得啦.... 細細個既時候好怕阿婆香水, 到而家我居然會擺定支響手袋, 哈哈! 就好似細個唔鐘意食苦瓜因為覺得又苦又澀; 人大左就會覺得苦瓜唔苦, 反而係甘甜味, 所以話呢, 人係會變! 
「阿婆香水」唔係人人接受, 就好似榴蓮一樣, 鐘意食既就會好鐘意! 講番先, 我手上呢幾款產品係 大員堂 金門一條根 系列, 一條根原產於金門珠山村，係一種多年生豆科植物, 具有平肝健體功能, 能治腰腿骨痛; 跌打骨折; 腰肌勞損; 肩周炎; 頸椎病等症狀!
我最鐘意金門一條根精油滾珠, 細細支容量有成35g, 方便帶出街隨時用之外, 佢仲係一支萬用精油 蚊叮蟲咬都可以用佢架~
金門一條根精油滾珠 結合數種精油成份及功效, 味道有少少似茶樹油, 幾好聞~ 滾珠式設計唔會因塗既時候而沾到雙手; 配合滾珠打圈按摩, 精油更快滲透而達致舒緩效果!
金門一條根精油滾珠 超涼配方, 每每我塗完肩頸膊頭位置, 都可以舒緩肌肉疲勞而帶來既酸痛! 我試過有次響公司做到暈暈到, 攞佢出黎塗響太陽穴即刻好好多! 
另一個產品係 大員堂 聖品金門一條根精油軟膏!
若果你係運動健將, 聖品金門一條根精油軟膏 必定係你既恩物!! 成分有芙蓉萃取液; 十大功勞萃取液; 山蒼子精油等等, 加上含有維他命E, 有效滋潤肌膚!
大員堂 聖品 金門一條根精油軟膏運用左真空包裝按壓式設計, 一按就會滲出青蘋果色軟膏, 方便又衛生!

(繼續閱讀...)

cheChee 發表在 痞客邦 留言(0) 人氣()

Smile with us!!

唔知大家最近有無留意Kiehl’s既真人show活動呢? Kiehl’s Ultra Adventure 挑戰無極限 邀請左丁子高; 何超蓮; iLub既少爺Jim&Donald, 遠赴新西蘭皇后鎮, 響大自然環境下進行多項考驗智慧及體能既海陸空極限挑戰, 以別開生面既形式帶出特效保濕乳霜 (Ultra Facial Cream) 無懼極地天氣!

見到佢地進行特別任務, 搞到我都好想去新西蘭一齊挑戰 (回顧挑戰無極限> http://bit.ly/2D31XrJ)!! 雖然挑戰無我份, 但Kiehl’s就送我Ultra Adventure Kit, 內附可摺疊式水樽; 萬用刀; 當然唔少得Ultra Facial Cream 特效保濕霜!


呢個Ultra Facial Cream 特效保濕霜係慈善限量版啊!! Kiehl’s 誠邀慈善機構Smile with us HK創辦人何超蓮, 以「發放微笑正能量」為主題, 用心形氣球包圍象徵快樂及正能量既笑臉既Ultra Facial Cream! 

講開呢個特效保濕霜Ultra Facial Cream, 主要成分蘊含南極冰川既葡萄醣蛋白; 澳洲內陸沙漠生長既白茅精華; 優質橄欖油; 牛油果油及維他命命E! 而我手上呢個肉肉植物就係澳洲白茅啦, 係其中一個主要成份!

澳洲白茅生長於澳洲內陸少漠, 7-10日先淋少少水落花泥, 可想而知白茅儲水能力幾過, 可以為肌膚注入水份並鎖住!

特效保濕霜Ultra Facial Cream 質感輕盈, 而且長效保濕又潤澤, 令肌膚維持水分平衡, 柔軟; 順滑; 富光澤! 尤其適合極度乾燥天氣環境, 有助肌膚吸收空氣中既水分及減低水分流失!

Kiehl’s 為慈善及環保不為餘力, 送上既Ultra Adventure Kit都非常有心思, 尤其可摺疊水樽!! 要減少製造垃圾由自攜水樽開始!

一收到我已經好鐘意要即刻用啦~ 矽膠設計方便摺疊收埋! 除左飲水呢個功力外, 佢仲係一個發洩工具, 就係用力鏈呀扭呀, 佢都唔會變形, 亦唔會整穿而漏水, 超爽呀!

個水樽仲要有個行山扣, 真係無論行山定行街都可以好輕鬆咁帶埋佢, 有得掛住鈎住... 飲晒後又可以摺細佢放入袋... 總之就係10個好啦, 哈哈!

大家都一齊支持Kiehl’s x Smile with us HK為香港聖公會褔利協會籌款, 向有特殊需要嘅基層學童伸出援手!
限量版特效保濕乳霜 (Ultra Facial Cream Limited Edition) - HK$295 (50ml)/ HK$500 (125ml)
 

(繼續閱讀...)

cheChee 發表在 痞客邦 留言(0) 人氣()

我手上呢瓶就係日本品牌 ASTALIFT 既 Night Cream R 晚霜, 最適合乾燥時候, 即係秋冬; 長期冷氣或暖氣環境使用既晚霜, 因為肌膚得唔夠滋潤, 第二朝起身塗咩都唔吸收, 化妝都難上妝... 所以要為明日做好準備, 晚間既護理唔可以馬虎架~
ASTALIFT Night Cream R 蘊含超級抗氧成份蝦紅素Astaxanthin及茄紅素 Lycopene, 有效阻止破壞肌膚結構既游離基形成, 保護肌膚免受氧化侵害及紫外線為肌膚帶來既衰老問題!
ASTALIFT 以納米化技術將成分粒子縮小, 提高產品質素既穩定性, 令成分更有效滲透至肌膚低層!而 Night Cream R 加入左海洋萃取物及高濃度補濕劑, 延長補濕功效, 長時間保持滋潤飽滿!
Night Cream R 晚霜入便有一支棒棒, 方便用黎”了”面霜, 咁就衛生得多啦! 只於用量方面, 晚霜既包裝外層印有用量建議, 當然可以按照自己既需要需增加或減少啦~
Night Cream R 加入天然大馬士革玫瑰精油及「洋甘菊精油, 大馬士革玫瑰有效為肌膚保濕及回復彈性; 而洋甘菊就有助調理乾性及敏感性肌膚, 對舒緩及鎮靜肌膚相當有效!
我就鐘意逐少逐少咁塗上面, 先慢慢打圈塗開, 再用按壓手法至吸收! 雖然講明 ASTALIFT Night Cream R 係滋潤型面霜, 但佢一d都唔會立痴痴, 反而好快被皮膚吸收, 保護肌膚!
如果你好似我咁, 鼻哥好容易甩皮, 就可以臨訓前塗多一點點Night Cream R響鼻哥, 第二朝起身就唔會甩皮啦~
不得不讚美ASTALIFT會為環保出力, 用完Night Cream R可以淨係買補充裝, 一來平dd 二來唔洗咁多一盒盒響度, 掉又好浪費, 唔掉又阻定...
紙盒就產品簡介單張, 印有圖畫簡潔又易明!
將ASTALIFT Night Cream R 除去外蓋, 然後反方向一扭, 咁就可以換Refill架啦, 好方便!
用完買盒Refill就搞掂! Night Cream R 帶有淡淡香味, 有助入睡及提升睡眠質素! 而售價為貨裝 - HK$690/30g; 補充裝 - HK$640/30g
銷售點

(繼續閱讀...)

cheChee 發表在 痞客邦 留言(0) 人氣()

歲月不饒人, 夜訓加上每日都對住咁多電子器材 (包括手提電話; 電腦; 電視等等), 雙眼長時間凝視住發光既屏幕, 好容易出現眼睛乾澀... 久而久之, 眼袋; 黑眼圈; 眼紋; 眼皮下垂等等眼部問題就會慢慢出現! 雖然有好多護膚產品話可以護眼, 減輕眼周肌膚老化問題, 但係呀, 點及得做療程又快又keep得耐, 嘿~響呢個科技發達既現今社會, 誇張D講句想永遠年輕貌美絕非難事!

有邊個女仔唔貪靚? 相信係人都想保持年輕! 正所謂「沒有醜女人, 只有懶女人」, 就算你幾勤力都好, 25歲過後膠原流失, 肌底肌腱膜開始鬆弛就好難補救, 皮膚下垂; 皺紋.... 諗起都慘慘豬! 不過, 我搵到個可以令皮膚緊緻持續1年既一次性療程, 講緊既就係 Ultherapy輪廓拉提療程! 

Ultherapy係非入侵性技術, 釋出既聚焦超聲波能量精準直達真皮層以下, 令肌腱膜受熱至65℃, 激發細胞活化及強化皮下纖維組織, 重點拉提收緊, 重整肌底結構! 療程針對眉眼; 面頰; 腮; 下顎; 頸以至上胸位置, 無須開刀; 安全無創! 而且療程均全由醫生操作, 絕對專業!

(繼續閱讀...)

cheChee 發表在 痞客邦 留言(0) 人氣()

自問頭髮唔健康, 間唔中就會漂染頭髮, 仲會燙直頭髮, 想頭髮黑麗亮澤都幾難! 正所謂內外夾攻, 要揀選合適既頭髮護理產品, 加埋健髮保品, 內服外用, 白髮脫髮稀疏等等問題通通唔需要膽心!



早前我獲邀參與 維新烏絲防脫洗髮露 發佈會, 維新烏絲素就成日都聽到, 原來維特健靈都有洗頭水架! 消委會洗頭水測試報告, 驗出市面上多款含二噁烷及致敏防腐劑, 所以洗頭水要認真揀選!



維新烏絲防脫洗髮露可以話係5星級洗髮露, 佢不含二噁烷及MIT/CMIT致敏物 (註: MIT/CMIT 係防腐劑既一種); 蘊含珍貴中藥成分並英國製造, 安全可靠, 保護髮囊!



發佈會當日仲邀請左陳曉東; Ana.R; Aka; J.Aire及梁嘉琪分享五星護髮心得, 並送上一系列維特健靈產品, 讓頭髮喚醒自信!



中醫藥理有云「髮為血之餘」, 脫髮問題係源於肝腎血氣虛弱, 令營養輸送唔到到髮囊! 作為打工仔既我, 捱夜加班好似係正常事, 但長期休息唔夠, 好容易會令肝腎更為虧虛, 加劇脫髮; 白髮!



有見及此, 維新烏絲素 薈萃靈芝; 制首烏及當歸等珍貴健髮藥材; 靈芝有助調理五臟; 女貞子促進血液循環, 幫助營養迅速輸送到髮囊, 為髮囊提供養分; 而何首烏能養血養肝, 固精益腎, 有助黑髮生長!





仲有一個產品係 維新烏絲精華液, 蘊含純中草藥何首烏; 牛蒡; 丹蔘; 艾葉, 有助促進血液循環, 為頭髮提供足夠養份, 刺激頭髮生長, 令髮根更強壯!



當日仲有著名髮型師James同大家分享護理頭髮既小秘訣, 大家都獲益良多!



而我都唔執輸, 返到屋企就即刻用維新烏絲護髮三寶, 首先係維新烏絲防脫洗髮露! 洗髮露真係好緊要, 儀容整潔與否都好取決頭髮既潔淨整齊!





簡約設計既維新烏絲防脫洗髮露, 洗髮露為啡色, 氣味有d中藥藥材味道, 感覺就好似將何首烏; 靈芝等珍貴中藥成分塗上頭髮!



濕髮後加入適量既維新烏絲防脫洗髮露, 然後再輕揉按摩, 最後再沖洗! 維新烏絲防脫洗髮露比一般洗頭水無咁多泡泡, 但多泡亦唔代表會乾淨d!



初初用維新烏絲防脫洗髮露會好唔慣, 因為洗完頭會感覺好鞋, 鞋到接受唔到, 所以我會加少少護髮素響髮尾! 雖然鞋, 但鞋亦有好處, 就係將包住頭髮既千年化學物/塵埃/污垢通通洗淨!



第二步就係用上 維新烏絲精華液! 之前都有提及過, 維新烏絲精華液 有助促進血液循環, 刺激頭髮生長;其中一種成分Capigen更有助控制過多頭油, 令頭髮保持清爽!



用法超簡單, 只需將維新烏絲精華液塗於乾淨既頭皮表面, 然後輕輕按摩, 無須沖洗, 早晚都可以使用! 精華液屬水狀, 按摩兩下好快就被吸收, 感覺涼涼好舒服, 加上氣味清香, Very Nice!





最後一寶係 維新烏絲素! 呢個保養品絕對唔陌生, 中藥強肝腎; 防脫髮, 重現烏黑濃密! 正如我開頭所講, 作息唔規律好影響肝臟功能, 從而加劇白髮及脫髮等問題, 因此調理肝腎, 促進血液循環先係改善問題既關鍵! 



有研究顯示每日服食3粒 維新烏絲素 連續6星期, 毛髮生長增幅高達60%及增加濃密度! 正所謂有頭髮邊個想做癩痢, 防範未然, 每日3粒就搞掂晒~





維新烏絲防脫洗髮露 一支150ml, 標準價為HK$119, 價錢屬中上, 但佢堅係支好既洗頭水, 用左短短一星期, 強化頭皮組織, 頭髮強韌左, 無咁易斷之餘, 頭髮彈性亦強左, 唔再扁塌!





分享到此為止, 拜拜~





°ﾟ｡･*.ﾟ✩˂特別嗚謝 品牌 邀請˃✩ﾟ.*･｡ﾟ°





♥歡迎邀約合作試用♡出席活動♥
fb.me/chanchecheee

(繼續閱讀...)

cheChee 發表在 痞客邦 留言(0) 人氣()